Dövlət Komitəsində ulu öndər Heydər Əliyevin anım gününə həsr olunmuş tədbir keçirilib

Dövlət Komitəsində ulu öndər Heydər Əliyevin anım gününə həsr olunmuş tədbir keçirilib

📌 https://t.co/ZV1WpL1mvU pic.twitter.com/TOEBVJy0B5

— Azerbaijani Diaspora (@DiasporaAz) December 12, 2022

Dövlət Komitəsində ulu öndər Heydər Əliyevin anım gününə həsr olunmuş tədbir keçirilib
12 dekabr, 2022

Dövlət Komitəsində ulu öndər Heydər Əliyevin anım gününə həsr olunmuş tədbir keçirilib
Diasporla İş üzrə Dövlət Komitəsində (DİDK) müasir Azərbaycan dövlətinin qurucusu, görkəmli dövlət xadimi, xalqımızın ümummilli lideri Heydər Əliyevin anım gününə həsr olunmuş tədbir keçirilib.

Tədbirdən öncə DİDK-nın kollektivi Fəxri Xiyabanda Heydər Əliyevin və görkəmli oftalmoloq alim, akademik Zərifə xanım Əliyevanın məzarlarını ziyarət edib.

Sonra ulu öndərin Diasporla İş üzrə Dövlət Komitəsindəki büstü önünə tər çiçəklər düzülüb.

Ökəmizin Dövlət Himninin səsləndirilməsi ilə başlayan anım mərasimində böyük öndərin əziz xatirəsi bir dəqiqəlik sükutla yad edilib.

Tədbirdə çıxış edən Komitə sədri Fuad Muradov ulu öndərin həyat və fəaliyyətindən, onun müstəqil Azərbaycan Respublikasının qurulması və möhkəmlənməsində, eyni zamanda Azərbaycan diasporunun formalaşmasındakı misilsiz və əvəzsiz xidmətlərindən danışıb. Bildirib ki, Heydər Əliyevin Azərbaycana rəhbərlik etdiyi 30 ildən artıq dövrdə ölkəmizin iqtisadi tərəqqisi yüksək həddə çatıb, Azərbaycan keçmiş ittifaq miqyasında nüfuz qazanıb, beynəlxalq səviyyədə tanınıb.

Komitə sədri Heydər Əliyev tərəfindən bünövrəsi qoyulmuş strategiyanın hazırda uğurla davam etdirildiyini, Prezident İlham Əliyevin tapşırığı, Heydər Əliyev Fondunun dəstəyi və ölkəmizin Birinci vitse-prezidenti Mehriban xanım Əliyevanın təşəbbüsü ilə milli mədəni irsimizin qorunub saxlanması, xaricdə yaşayan azərbaycanlıların təşkilatlanması, Azərbaycan həqiqətlərinin dünya ictimaiyyətinə çatdırılması istiqamətində mütəmadi tədbirlərin görüldüyünü söyləyib.

Nəzərə çatdırıb ki, Dünya Azərbaycanlılarının V Qurultayının, Diaspor Gənclərinin III Yay Düşərgəsinin azad olunmuş Şuşada keçirilməsi, dünyanın mütxəlif ölkələrində təsis edilmiş Koordinasiya şuralarinın, xaricdəki həmvətənlərimizin istifadəsinə verilmiş Azərbaycan evlərinin, həftəsonu Azərbaycan dili məktəblərinin fəaliyyətinin genişlənməsi, 6-10 yaşlı azərbaycanlı uşaqlar üçün müasir üslubda hazırlanmış “Azərbaycan dili” dərsliyinin xaricdəki soydaşlarımıza göndərilməsi, Şuşa Bəyannəməsinə uyğun olaraq Azərbaycan və Türk diasporları, eləcə də Türk Dövlətlərinin diasporları arasında qarşılıqlı əməkdaşlıq, dəstək və həmrəylik fəaliyyətinin gücləndirilməsi bütün görülən işlərin bariz nümunəsidir və müasir diaspor siyasətinin nailiyyətləri kimi dəyərləndirilə bilər.

Tədbirdə xarici övlkələrdə fəaliyyət göstərən “Qarabağ” və həftəsonu Azərbaycan dili məktəblərinin şagirdləri tərəfindən ulu öndər Heydər Əliyevə həsr olunmuş səsləndirilmiş şeirlərdən ibarət videoçarx nümayiş etdirilib.

Daha sonra Milli Məclisin deputatları Elşən Musayev, Cavid Osmanov, Jalə Əhmədova, diaspor nümayəndələri Anar Həsənov (Rusiya), Zəminə Mirhadıyeva (ABŞ), Zahid Quliyev (Almaniya) və Əjdər Tağızadə (İsveç) çıxış edərək, xaricdə yaşayan soydaşlarımızın tarixi Vətənə bağlılığının əsasında azərbaycançılıq ideologiyasının dayandığını, Heydər Əliyevin Azərbaycan diasporunun formalaşması və təşkilatlanmasını, lobbiçilik fəaliyyətinin əsas istiqamətlərini və perspektivlərini daim diqqətdə saxladığını xatırladıblar. Qeyd edilib ki, Heydər Əliyevin dünya azərbaycanlılarını birləşdirmək ideyası xüsusilə də Vətən müharibəsində əldə etdiyimiz parlaq qələbədən sonra daha da güclənib.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/diasporla-is-uzre-dovlet-komitesinde-ulu-onder-heyder-eliyevin-anim-gunune-hesr-olunmus-tedbir-kecirilib-2055

Dövlət Komitəsində ulu öndər Heydər Əliyevin anım gününə həsr olunmuş tədbir keçirilib

📌 https://t.co/ZV1WpL1mvU pic.twitter.com/TOEBVJy0B5

— Azerbaijani Diaspora (@DiasporaAz) December 12, 2022