Dövlət Komitəsi – Malatya Yıldız https://malatyayildiz.com Mon, 13 May 2024 19:37:11 +0000 tr hourly 1 https://malatyayildiz.com/wp-content/uploads/2025/03/cropped-malatya-yildiz-32x32.webp Dövlət Komitəsi – Malatya Yıldız https://malatyayildiz.com 32 32 Dövlət Komitəsinin və ADDF-nin əməkdaşları Türkiyənin Baş Ombudsmanı ilə görüşüb https://malatyayildiz.com/dovl%c9%99t-komit%c9%99sinin-v%c9%99-addf-nin-%c9%99m%c9%99kdaslari-turkiy%c9%99nin-bas-ombudsmani-il%c9%99-gorusub-h57320.html Mon, 13 May 2024 19:37:11 +0000 https://1453kralmedya.com/dovl%c9%99t-komit%c9%99sinin-v%c9%99-addf-nin-%c9%99m%c9%99kdaslari-turkiy%c9%99nin-bas-ombudsmani-il%c9%99-gorusub-h57320.html

Dövlət Komitəsinin və ADDF-nin əməkdaşları Türkiyənin Baş Ombudsmanı ilə görüşüb

2024

Dövlət Komitəsinin və ADDF-nin əməkdaşları Türkiyənin Baş Ombudsmanı ilə görüşüb

 

 

 

 

Diasporla İş üzrə Dövlət Komitəsinin və Azərbaycan Diasporuna Dəstək Fondunun əməkdaşları Ankara şəhərinə səfəri çərçivəsində rəsmi görüşlərini davam etdirib.

Diasporla İş üzrə Dövlət Komitəsinin Aparat rəhbərinin müavini Adil Hüseynov, şöbə müdirinin müavini Kənan Məmmədov, Azərbaycan Diaaporuna Dəstək Fonfunun icraçı direktoru Əkrəm Abdullayev və direktor müavini Şahin Camalov Türkiyə Respublikasının Baş Ombudsmanı Şərəf Malkoçla görüşüb.

Azərbaycan nümayəndə heyətini salamlamaqdan məmnunluğunu ifadə edən Ş.Malkoç Azərbaycanla Türkiyə arasındakı qardaşlıqdan strateji müttəfiqliyə qədər yüksələn əlaqələrə toxunub. Qeyd edib ki, iki qardaş ölkənin müvafiq qurumları arasında müvafiq sahələrdə əməkdaşlıq yüksələn xətlə inkişaf edir. Azərbaycan Diasporuna Dəstək Fondu ilə Türk Dünyası Mediatorlar Birliyi arasında imzalanmış Əməkdaşlıq Protokuluna toxunan Ombusdman sənəddə vacib məsələlərin əks olunduğunu deyərək, onların həllinə dəstək göstəriləcəyini bildirib.

Səmi qəbul üçün təşəkkürünü bildirən Adil Hüseynov nümayəndə heyətinin Ankara şəhərinə səfərinin əsas məqsədinə toxunaraq, 1990-cı illərdən etibarən Türkiyə Respublikasına miqrasiya etmiş və hazırda Türkiyə Respublikasında hüquqi statusu olmadan yaşayan Azərbaycan Respublikasının vətəndaşı olması ehtimal olunan şəxslərin, o cümlədən onların Türkiyə ərazisində anadan olmuş ailə üzvlərinin və digər azərbaycanlıların problemlərinin həlli ilə bağlı Türkiyənin müvafiq qurumlarda görüşlər keçirdiklərini diqqətə çatdırıb.

Görüşdə Türkiyədə uzun illır sənədsiz mühitdə yaşayan həmin əhali qrupunun məşğulluq, sosial müdafiə, səhiyyə, tibbi sığorta, təhsil və digər hüquqlarının təmin olunması sahəsində üzləşdiyi problemlər və onların həlli yolları ətrafında fikir mübadiləsi aparılıb.

Sonda xatirə hədiyyələri təqdim edilib.

Azərbaycan nümayəndə heyəti daha sonra Türk Əməkdaşlıq və Koordinasiya Agentliyində (TİKA) görüş keçirib.

Görüşlərdə Türkiyə-Azərbaycan Dərnəkləri Federaaiyası rəhbərinin müşaviri Pərviz Məmmədzadə, Türk Dünyası Mediatorlar Birliyinin sədri, vəkil, mediator Yakup Erikel və birliyin İdarə Heyətinin üzvləri də iştirak edib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/dovlet-komitesinin-ve-addf-nin-emekdaslari-turkiyenin-bas-ombudsmani-ile-gorusub-4671

 

]]> Dövlət Komitəsinin və ADDF-nin əməkdaşları Ankarada bir sıra görüşlər keçirib https://malatyayildiz.com/dovl%c9%99t-komit%c9%99sinin-v%c9%99-addf-nin-%c9%99m%c9%99kdaslari-ankarada-bir-sira-gorusl%c9%99r-kecirib-h57316.html Mon, 13 May 2024 16:42:10 +0000 https://1453kralmedya.com/dovl%c9%99t-komit%c9%99sinin-v%c9%99-addf-nin-%c9%99m%c9%99kdaslari-ankarada-bir-sira-gorusl%c9%99r-kecirib-h57316.html

Dövlət Komitəsinin və ADDF-nin əməkdaşları Ankarada bir sıra görüşlər keçirib

2024

Dövlət Komitəsinin və ADDF-nin əməkdaşları Ankarada bir sıra görüşlər keçirib

 

 

 

 

Diasporla İş üzrə Dövlət Komitəsinin və Azərbaycan Diasporuna Dəstək Fondunun (ADDF) əməkdaşları Ankara şəhərinə səfəri çərçivəsində bir sıra rəsmi görüşlər keçirib.

Qonaqlar əvvəlcə Türkiyə Respublikasının Prezident Administrasiyasının Hüquq Siyasəti Şurasının üzvü Vedat Ali Tektaşla, Əmək və Sosial Müdafiə Nazirliyinin Məşğulluq Baş İdarəsinin müdiri Mehmet Başla görüşüblər.

Görüşlərdə əsasən 1990-cı illərdən etibarən Türkiyə Respublikasına miqrasiya etmiş və hazırda Türkiyə Respublikasında hüquqi statusu olmadan yaşayan və bu səbəbdən sosial, tibbi sığorta, sağlamlıq, təhsil və digər bu kimi hüquqlardan yararlana bilməyən Azərbaycan Respublikasının vətəndaşı olması ehtimal olunan şəxslərin, o cümlədən onların Türkiyə ərazisində anadan olmuş ailə üzvlərinin və digər azərbaycanlıların statusunun müəyyənləşdirilməsi, sosial müdafiə, səhiyyə, təhsil hüquqlarının təmin olunması və digər istiqamətlərdə problemlərin həlli ətrafında fikir mübadiləsi aparılıb. Keçirilmiş görüşlərdə əlaqədar qurumların həmin əhali qrupundan olan şəxslərin mövcud problemlərinin həlli istiqamətində bütün zəruri addımları atacağı qeyd edilib. Eyni zamanda Əməkdaşlıq Protokolundan irəli gələn məsələlərin həllində dəstək göstəriləcəyi diqqətə çatdırılıb.

Səfər çərçivəsində nümayəndə heyəti ümummilli lider Heydər Əliyevin anadan olmasının 101 illiyi münasibətilə Ankara Universitetində Azərbaycanın Türkiyədəki səfirliyi və Ankara Universitetinin birgə təşkilatçılığı ilə “Heydər Əliyev və Türk dünyası” adlı anım proqramında və fotosərgidə iştirak ediblər.

Türkiyənin dövlət qurumlarında keçirilən görüşlərdə Dünyası Mediatorlar Birliyinin sədri, vəkil, mediator Yakup Erikel və birliyin İdarə Heyətinin üzvləri də iştirak ediblər.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/dovlet-komitesinin-ve-addf-nin-emekdaslari-ankarada-bir-sira-gorusler-kecirib-4669

 

]]> Gürcüstanda yaşayan azərbaycanlı yeniyetmə və gənclərə COP29 haqqında məlumat verilib https://malatyayildiz.com/gurcustanda-yasayan-az%c9%99rbaycanli-yeniyetm%c9%99-v%c9%99-g%c9%99ncl%c9%99r%c9%99-cop29-haqqinda-m%c9%99lumat-verilib-h56475.html Fri, 19 Apr 2024 16:43:22 +0000 https://1453kralmedya.com/gurcustanda-yasayan-az%c9%99rbaycanli-yeniyetm%c9%99-v%c9%99-g%c9%99ncl%c9%99r%c9%99-cop29-haqqinda-m%c9%99lumat-verilib-h56475.html

Gürcüstanda yaşayan azərbaycanlı yeniyetmə və gənclərə COP29 haqqında məlumat verilib

2024
Gürcüstanda yaşayan azərbaycanlı yeniyetmə və gənclərə COP29 haqqında məlumat verilib

 

 

 

Gürcüstanın Rustavi şəhərində fəaliyyət göstərən “Təhsil və Mədəniyyət Mərkəzi”ndə həmin ölkədə yaşayan azərbaycanlı yeniyetmə və gənclərlə növbəti görüş COP29-a həsr olunub.

Görüşü açan Mərkəzin direktoru Raida Dərziyeva BMT-nin İqlim Dəyişmələri üzrə Çərçivə Konvensiyasının Tərəflər Konfransının iqlim dəyişikliyi ilə mübarizədə dünyanın mühüm tədbirlərindən biri olduğunu vurğulayıb və COP29-un Bakıda keçirilməsinin xüsusi əhəmiyyət kəsb etdiyini bildirib.

Daha sonra Mərkəzin Azərbaycan şöbəsinin müəllimi Dilbər Babayeva şagirdləri iqlim dəyişkənliyi barədə məlumatlandırıb.

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/gurcustanda-yasayan-azerbaycanli-yeniyetme-ve-genclere-cop29-haqqinda-melumat-verilib-4559

 

 

]]> Texasda yaşayan tanınmış musiqiçi Dövlət Komitəsində olub https://malatyayildiz.com/texasda-yasayan-taninmis-musiqici-dovl%c9%99t-komit%c9%99sind%c9%99-olub-h56469.html Fri, 19 Apr 2024 12:48:13 +0000 https://1453kralmedya.com/texasda-yasayan-taninmis-musiqici-dovl%c9%99t-komit%c9%99sind%c9%99-olub-h56469.html

Texasda yaşayan tanınmış musiqiçi Dövlət Komitəsində olub

2024

Texasda yaşayan tanınmış musiqiçi Dövlət Komitəsində olub

 

 

 

Diasporla İş üzrə Dövlət Komitəsinin sədri Fuad Muradov Azərbaycan-Amerika Musiqi Fondunun təsisçisi və sədri, tanınmış orqan ifaçısı, Texas Universitetinin professoru Cəmilə Cavadova-Spitsberqlə görüşüb.

 

 

 

 

Qonağı səmimi salamlayan sədr Azərbaycan musiqisinin təbliği istiqamətində Komitənin həyata keçirdiyi layihələr barədə məlumat verib.

Görüşdə Azərbaycanın ABŞ-dəki diaspor fəaliyyəti, keçirilən tədbirlər, gələcəkdə mədəni sahədə görüləcək işlər və mədəni irsimizin təbliğinin genişləndirilməsi ətrafında geniş fikir mübadiləsi aparılıb.

Cəmilə Cavadova-Spitsberq rəhbərlik etdiyi Azərbaycan-Amerika Musiqi Fondunun təşəbbüsü və Komitənin dəstəyi ilə həyata keçirilən “Musiqi körpüsü” (ABŞ-Azərbaycan) layihəsi çərçivəsində əslən azərbaycanlı, tanınmış dirijor Fərhad Xudiyevin Üzeyir Hacıbəyli adına Azərbaycan Dövlət Simfonik Orkestri ilə baş tutan konsertinin möhtəşəm keçdiyini vurğulayıb. O, Azərbaycan-Amerika Musiqi Fondunun həyata keçirdiyi layihələrə Komitə tərəfindən dəstək göstərildiyi üçün təşəkkürlərini bildirib.

Qeyd edək ki, Cəmilə Cavadova-Spitsberq 2017-ci ildə yaradılan “Azərbaycan Amerika Musiqi Fondu”nun təsisçilərindən biridir. Fond Azərbaycanda Amerika və eləcə də Amerikada Azərbaycan klassik musiqisinin tərənnüm, tədris olunmasında tərəfdaşlıq proqramları hazırlayır, eləcə də konsertlər, konfranslar, ustad dərsləri, nəşrlər və müsabiqələr təşkil edir. 2020-ci ildə Diasporla İş üzrə Dövlət Komitəsinin dəstəyi ilə “Musiqili Körpü” və digər layihələr həyata keçirib. 2023-cü il oktyabrında Texas ştatının Kerrolton şəhərində “Texaslılar minasız dünya üçün: Azərbaycan” layihəsi əsasında keçirilən tədbirin təşkilatçısı olub. Cəmilə Cavadova-Spitsberq 2022-ci il aprelin 21-də Azərbaycan Respublikasının Prezidenti İlham Əliyevin Sərəncamı ilə Azərbaycan diasporunun inkişafında xidmətlərinə görə “Tərəqqi” medalı ilə təltif edilib.

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/texasda-yasayan-taninmis-musiqici-dovlet-komitesinde-olub-4558

 

 

]]> Dövlət Komitəsinin sədri İstanbulda Azərbaycan icması ilə görüşüb https://malatyayildiz.com/dovl%c9%99t-komit%c9%99sinin-s%c9%99dri-istanbulda-az%c9%99rbaycan-icmasi-il%c9%99-gorusub-h56077.html Sun, 07 Apr 2024 19:41:09 +0000 https://1453kralmedya.com/dovl%c9%99t-komit%c9%99sinin-s%c9%99dri-istanbulda-az%c9%99rbaycan-icmasi-il%c9%99-gorusub-h56077.html

Dövlət Komitəsinin sədri İstanbulda Azərbaycan icması ilə görüşüb

7 aprel, 2024

Dövlət Komitəsinin sədri İstanbulda Azərbaycan icması ilə görüşüb

 

 

 

 

 

İstanbulda Azərbaycan Respublikasının Diasporla İş üzrə Dövlət Komitəsinin sədri Fuad Muradovun Türkiyədə yaşayan Azərbaycan icması ilə görüşü keçirilib.

Əvvəlcə Azərbaycan və Türkiyənin dövlət himnləri səsləndirilib, iki qardaş ölkənin ulu öndərləri Heydər Əliyev və Mustafa Kamal Atatürkün, eləcə də şəhidlərin əziz xatirələri ehtiramla yad edilib.

Görüşdə çıxış edən Türkiyə-Azərbaycan Dərnəkləri Federasiyası (TADEF) sədrinin müşaviri Pərviz Məmmədzadə qurumun fəaliyyəti barədə hesabat verib.

Tədbir iştirakçılarını salamlayan Komitə sədri Fuad Muradov onları qarşıdan gələn Ramazan bayramı münasibətilə təbrik edib, bu il fevralın 7-də Azərbaycanda keçirilən növbədənkənar Prezident seçkilərində xaricdə, o cümlədən Türkiyədə yaşayan azərbaycanlıların fəal iştirakını xatırladaraq, soydaşlarımıza təşəkkürünü bildirib.

Aprelin 7-də Türkiyənin Kayseri şəhərində “Şuşa Azərbaycan Evi”nin açılacağını deyən Sədr hazırda dünyanın 15 ölkəsində 28 Azərbaycan Evinin fəaliyyət göstərdiyini, bu kimi yeni evlərin yaradılması ilə bağlı çoxsaylı müraciətlərin olduğunu bildirib, işğaldan azad edilən ərazilərimizdə aparılan inşa-yenidənqurma işləri barədə danışıb.

Komitə sədri rəhbərlik etdiyi qurumun fəaliyyəti barədə hesabatı iştirakçıların diqqətinə çatdırıb.

Sonra Türkiyədə yaşayan azərbaycanlı elm xadimləri və incəsənət nümayəndələri diaspor fəaliyyətinin gücləndirilməsi ilə bağlı təkliflərini ifadə edib, Türkiyədə yaşayan Azərbaycanlı Elm Adamlarının Dərnəyinin (Azerbaycan Bilim İnsanları Derneği – ABİD) təsis olunması ilə bağlı fikirlərini bildiriblər.

Sonda türkiyəli kardioloq, ümummilli lider Heydər Əliyevi şəxsən tanıyan görkəmli həkim, professor Ertan Demirtaşa, jurnalist Sevil Nuriyevaya və TADEF sədrinin müşaviri Pərviz Məmmədzadəyə “Heydər Əliyevin 100 illiyi (1923-2023)” yubiley medalı, Adana Çukurova Universitetinin professoru, rəssam İlham Ənvəroğluna “Tərəqqi” medalı təqdim edilib. Professorlar Elşən Vəli və Sayad Kocahan, eləcə də Türkiyədə fəaliyyət göstərən bir sıra Azərbaycan dərnəklərinin rəhbərləri “Diaspor sahəsində aktiv fəaliyyətinə görə” Təşəkkürnamə ilə təltif olunublar.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/dovlet-komitesinin-sedri-istanbulda-azerbaycan-icmasi-ile-gorusub-4519

 

]]> Dövlət Komitəsinin sədri İstanbul valisi ilə görüşüb https://malatyayildiz.com/dovl%c9%99t-komit%c9%99sinin-s%c9%99dri-istanbul-valisi-il%c9%99-gorusub-h56023.html Sat, 06 Apr 2024 18:23:59 +0000 https://1453kralmedya.com/dovl%c9%99t-komit%c9%99sinin-s%c9%99dri-istanbul-valisi-il%c9%99-gorusub-h56023.html

Dövlət Komitəsinin sədri İstanbul valisi ilə görüşüb
6 aprel, 2024

 

 

 

Dövlət Komitəsinin sədri İstanbul valisi ilə görüşüb

Türkiyədə səfərdə olan Azərbaycan Respublikası Diasporla İş üzrə Dövlət Komitəsinin sədri Fuad Muradov İstanbul valisi Davut Gül ilə görüşüb.

Qonağı salamlayan İstanbul valisi Türkiyə-Azərbaycan münasibətlərinin yüksək səviyyədə olmasından məmnunluğunu bildirib, münasibətlərin strateji müttəfiqlik səviyyəsinə çatmasında prezidentlər Rəcəb Tayyib Ərdoğanın və İlham Əliyevin rolunu vurğulayıb.

Səmimi qəbula görə təşəkkür edən Komitə sədri Türkiyə-Azərbaycan qardaşlığının bütün dünya ölkələrinə nümunə olduğunu söyləyib. Görüş zamanı “1990-cı illərdən etibarən Türkiyə Respublikasına (İstanbul şəhərinə) mühacirət etmiş və hazırda orada yaşayan Azərbaycan Respublikasının vətəndaşı olması ehtimal olunan şəxslərə, o cümlədən onların Türkiyə ərazisində anadan olmuş ailə üzvlərinə dair Tədbirlər Planı”nın icrasına dair bir sıra məsələlər müzakirə edilib. Qeyd olunub ki, indiyədək 7093 nəfərin müraciəti cavablandırılıb. Onlardan 3623 nəfərin pasport rəsmiləşdirilməsi və digər xidmət-sorğular həyata keçirilib. Bu prosesdə İstanbul valiliyinin rolu xüsusi vurğulanıb.

 

 

FOTO QALEREYA

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/dovlet-komitesinin-sedri-istanbul-valisi-ile-gorusub-4517

 

 

]]> Gürcüstan parlamentinin Komitə sədri Dövlət Komitəsində olub https://malatyayildiz.com/gurcustan-parlamentinin-komit%c9%99-s%c9%99dri-dovl%c9%99t-komit%c9%99sind%c9%99-olub-h55254.html Fri, 15 Mar 2024 12:35:38 +0000 https://1453kralmedya.com/gurcustan-parlamentinin-komit%c9%99-s%c9%99dri-dovl%c9%99t-komit%c9%99sind%c9%99-olub-h55254.html

Gürcüstan parlamentinin Komitə sədri Dövlət Komitəsində olub

2024

Gürcüstan parlamentinin Komitə sədri Dövlət Komitəsində olub

 

 

 

 

Gürcüstan Parlamentinin Təhsil, elm və gənclər məsələləri üzrə komitəsinin sədri cənab Givi Mikanadzenin başçılıq etdiyi nümayəndə heyəti Diasporla İş üzrə Dövlət Komitəsində olub.

Qonaqları salamlayan Komitə sədri Fuad Muradov əsası Ümummilli lider Heydər Əliyev tərəfindən qoyulmuş Komitənin fəaliyyət istiqamətləri, diaspor quruculuğu istiqamətində görülən işlər haqqında ətraflı məlumat verib. Hazırda ölkələrimiz arasında mövcud olan strateji tərəfdaşlığın yüksək dinamikasının, Azərbaycanın müəllifi olduğu enerji və digər iqtisadi layihələrin regional inkişaf və sülhün möhkəmləndirilməsinə verdiyi töhfələrin arxasında ölkə rəhbərlərinin möhkəm iradəsinin dayandığı qeyd olunub.

Diasporla İş üzrə Dövlət Komitəsinin sədri Gürcüstanda yaşayan azərbaycanlılarla bağlı həyata keçirilən layihələrdən söz açıb, soydaşlarımızın yerli cəmiyyətə inteqrasiyası, mümkün assimilyasiya amillərinin aradan qaldırılmasının vacibliyini, Gürcüstanın ali təhsil müəssisələrində təhsil alan azərbaycanlı gənclərin ölkənin sosial-ictimai həyatında iştirakının yüksəldilməsinin zərurətini bildirib və bu istiqamətlərdə görülən işlər barədə danışıb.

Qonaqlara Azərbaycanlıların kompakt yaşadığı ərazilərdə fəaliyyət göstərən inteqrasiya mərkəzləri barədə ətraflı məlumat verilib. Tbilisi şəhərində və Kvemo-Kartlidə 5 mərkəzin fəaliyyət göstərdiyi, Azərbaycan, gürcü və digər dillərin tədris edildiyi, müxtəlif incəsənət və idman növlərinin öyrədildiyi, abituriyent hazırlığı aparıldığı və s. nəzərə çatdırılıb. Növbəti belə mərkəzin Rustavidə açılmasının planlaşdırıldığı bildirilib. Tbilisidəki “Qanun” Hüquq Mərkəzinin ötən il 1280 nəfər soydaşımıza hüquqi məsələlərlə bağlı kömək etdiyi qeyd olunub.

Givi Mikanadze səmimi qəbula görə təşəkkür edib, iki ölkə arasında çoxəsrlik dostluq, mehriban qonşuluq münasibətlərinin olduğunu bildirib. Gürcüstanlı qonaq azərbaycanlıların yerli cəmiyyətə inteqrasiyası istiqamətində dövlət tərəfindən görülən işlər, gürcü dili ilə bağlı həyata keçirilən layihələr, azərbaycanlıların təhsil imkanlarının genişləndirilməsi barədə danışıb.

Gürcüstan Parlamentinin Təhsil, elm və gənclər məsələləri üzrə komitəsinin sədri səfər çərçivəsində müxtəlif dövlət qurumları ilə əməkdaşlıq məsələlərini müzakirə etdiklərini, Dövlət Komitəsinin də birgə əməkdaşlığa hazır olmasından məmnunluğunu ifadə edib.

Görüşdə Gürcüstanın Azərbaycan Respublikasındakı səfiri Zurab Pataradze də iştirak edib.

Qeyd edək ki, nümayəndə heyətinin tərkibinə komitə üzvü deputatlar Giorgi Sosiaşvili və Rostom Çxeidze, komitənin katibi Davit Giorgadze, komitə sədrinin köməkçisi Anatoli Korepanov daxildir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/gurcustan-parlamentinin-komite-sedri-dovlet-komitesinde-olub-4390

 

]]> Meksikanın Azərbaycandakı səfiri Dövlət Komitəsində olub https://malatyayildiz.com/meksikanin-az%c9%99rbaycandaki-s%c9%99firi-dovl%c9%99t-komit%c9%99sind%c9%99-olub-2-h54334.html Wed, 14 Feb 2024 12:26:11 +0000 https://1453kralmedya.com/meksikanin-az%c9%99rbaycandaki-s%c9%99firi-dovl%c9%99t-komit%c9%99sind%c9%99-olub-2-h54334.html

 

 

 

Meksikanın Azərbaycandakı səfiri Dövlət Komitəsində olub

 

 

 

2024

 

 

 

Meksikanın Azərbaycandakı səfiri Dövlət Komitəsində olub

 

 

 

Diasporla İş üzrə Dövlət Komitəsinin sədri Fuad Muradov Meksikanın Azərbaycandakı fövqəladə və səlahiyyətli səfiri Mariya Viktoriya Romero Kabalyero ilə görüşüb.

 

 

 

Qonağı salamlayan Komitə sədri ölkəmizin diaspor siyasəti, dünya azərbaycanlılarının təşkilatlanması, Latın Amerikası ölkələrində, o cümlədən Meksikada yaşayan azərbaycanlıların yaşadıqları cəmiyyətə inteqrasiyası və Komitənin həyata keçiridiyi layihələr barədə məlumat verib.

 

 

 

Səmimi qəbula görə təşəkkürünü bildirən səfir Mariya Viktoriya Romero Kabalyero Meksika ilə Azərbaycan arasında əlaqələrin genişləndirilməsinin vacibliyindən söz açıb, Xaricdə yaşayan Meksikalılar İnstitutu ilə Diasporla İş üzrə Dövlət Komitəsi arasında əməkdaşlıq münasibətlərinin qurulması məqsədilə yaxın gələcəkdə qarşılıqlı səfərlərin təşkil olunmasının, eləcə də müvafiq dövlət qurumları arasında memorandum imzalanmasının önəmindən danışıb.

 

 

 

Görüşdə əməkdaşlıq perspektivlərinə dair faydalı fikir mübadiləsi aparılıb, qarşılıqlı səmərəli fəaliyyətin bundan sonra da uğurla davam etdiriləcəyinə əminlik ifadə olunub.

Görüşün sonun qarşılıqlı olaraq xatirə hədiyyələri təqdim edilib.

 

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/meksikanin-azerbaycandaki-sefiri-dovlet-komitesinde-olub-4207

 

 

 

 

]]> Dövlət Komitəsində “Bukharian Times” qəzetinin baş redaktoru və Qazaxıstanda yaşayan azərbaycanlı musiqiçi ilə görüş keçirilib https://malatyayildiz.com/dovl%c9%99t-komit%c9%99sind%c9%99-bukharian-times-q%c9%99zetinin-bas-redaktoru-v%c9%99-qazaxistanda-yasayan-az%c9%99rbaycanli-musiqici-il%c9%99-gorus-kecirilib-h54262.html Sun, 11 Feb 2024 08:17:20 +0000 https://1453kralmedya.com/dovl%c9%99t-komit%c9%99sind%c9%99-bukharian-times-q%c9%99zetinin-bas-redaktoru-v%c9%99-qazaxistanda-yasayan-az%c9%99rbaycanli-musiqici-il%c9%99-gorus-kecirilib-h54262.html

 

 

 

Dövlət Komitəsində “Bukharian Times” qəzetinin baş redaktoru və Qazaxıstanda yaşayan azərbaycanlı musiqiçi ilə görüş keçirilib

 

 

 

, 2024
Dövlət Komitəsində “Bukharian Times” qəzetinin baş redaktoru və Qazaxıstanda yaşayan azərbaycanlı musiqiçi ilə görüş keçirilib

 

 

 

Diasporla İş üzrə Dövlət Komitəsinin sədri Fuad Muradov ABŞ və Kanadanın Buxara Yəhudiləri Konqresinin koordinatoru, “Bukharian Times” qəzetinin baş redaktoru Rafael Nektalov ilə görüşüb.

 

 

 

 

Qonağı səmimi salamlayan komitə sədri Azərbaycanın dostunu ölkəmizdə görməkdən məmnunluq ifadə edib. Qeyd olunub ki, “Bukharian Times” qəzetində davamlı olaraq Azərbaycanla bağlı məlumatlar verilir və həqiqətlər beynəlxalq ictimaiyyətə olduğu kimi çatdırılır. Buxara yəhudilərinin azərbaycanlılara böyük sevgi bəslədikləri, ABŞ və Kanadada olan Azərbaycan icması ilə sıx əlaqələri diqqətə çatdırılıb, tarix və mədəniyyətimizin bir-birinə yaxınlığı bir daha vurğulanıb.

 

 

 

 

Qonağa ulu öndər Heydər Əliyevin 100 illiyi münasibətilə çap olunan “Öndə gedən” kitabı hədiyyə olunub. Görüşdə həmçinin əməkdaşlıq perspektivləri müzakirə olunub.

 

 

 

 

Qazaxıstanda yaşayan azərbaycanlı musiqiçi, mahir tar ifaçısı “Xəzər” Etno-Mədəni Birliyinin sədr müavini Sadiq Namazovla görüşdə isə iki ölkə arasındakı münasibətərin sarsılmazlığından, dost ölkədə yaşayan azərbaycanlıların bu münasibətlərin inkişafına verdiyi töhfələrdən və soydaşlarımızın yaşadıqları cəmiyyətə uğurlu inteqrasiyasından danışılıb. Bir sıra beynəlxalq müsabiqələrdə Azərbaycan və türk musiqilərinin təbliğindəki roluna görə nüfuzlu mükafatlara layiq görülən və bir neçə müsabiqənin laureatı olan soydaşımıza uğurlu diaspor fəaliyyətinə görə komitə adından təşəkkürnamə təqdim olunub.

 

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/dovlet-komitesinde-bukharian-times-qezetinin-bas-redaktoru-ve-qazaxistanda-yasayan-azerbaycanli-musiqici-ile-gorus-kecirilib-4203

 

 

 

 

]]> Dövlət Komitəsində Türk Dünyası Mediatorlar Birliyinin nümayəndə heyəti ilə görüş keçirilib https://malatyayildiz.com/dovl%c9%99t-komit%c9%99sind%c9%99-turk-dunyasi-mediatorlar-birliyinin-numay%c9%99nd%c9%99-hey%c9%99ti-il%c9%99-gorus-kecirilib-h53981.html Fri, 02 Feb 2024 10:49:22 +0000 https://1453kralmedya.com/dovl%c9%99t-komit%c9%99sind%c9%99-turk-dunyasi-mediatorlar-birliyinin-numay%c9%99nd%c9%99-hey%c9%99ti-il%c9%99-gorus-kecirilib-h53981.html

 

 

 

Dövlət Komitəsində Türk Dünyası Mediatorlar Birliyinin nümayəndə heyəti ilə görüş keçirilib

2024

 

 

 

Dövlət Komitəsində Türk Dünyası Mediatorlar Birliyinin nümayəndə heyəti ilə görüş keçirilib
Diasporla İş üzrə Dövlət Komitəsində Azərbaycanda səfərdə olan Türk Dünyası Mediatorlar Birliyinin nümayəndə heyəti ilə görüş keçirilib.

 

 

 

Görüşü açıq elan edən Komitə sədrinin birinci müavini Valeh Hacıyev komitənin tarixi, fəaliyyət istiqamətləri və həyata keçirdiyi layihələr, Türk Dövlətləri Təşkilatı çərçivəsində görülən işlər barədə məlumat verib.

 

 

 

Azərbaycan Respublikası Mediasiya Şurasının İdarə Heyətinin sədri Nadir Adilov Prezident İlham Əliyevin rəhbərliyi ilə aparılan mütərəqqi məhkəmə-hüquq islahatları çərçivəsində mübahisələrin məhkəmədənkənar həllində və məhkəmələrin iş yükünün azaldılmasında mühüm vasitə olan mediasiya institutunun qurulması və təşviqi üzrə mühüm tədbirlər görülməsi və bu sahədəki islahatlardan söz açıb.

Türk Dünyası Mediatorlar Birliyinin başqanı Yakup Erikel qurumun yaradılmasının tarixi və məqsədlərindən, türk dövlətləri arasındakı inteqrasiya proseslərinin dərinləşməsinin mediasiya fəaliyyətinə təsirindən danışıb.

 

 

 

Birliyin İdarə Heyətinin üzvləri Saliha Sasa, Hatice İpek, Eda Günday, Serpil Akdeniz və Hüseyn İlham Yetişgin səmimi qəbula görə təşəkkür ediblər.

 

 

 

 

 

Görüşdə türk dövlətlərində Azərbaycan və türk diasporlarının birgə əməkdaşlığı nəticəsində mediasiya təşkilatlarının və mediasiya qurumlarının da diaspor işlərinə cəlb edilməsi, Qarabağda təşkil olunması planlaşdırılan Türk Dünyası Mediatorlar Birliyinin geniş toplantısında hər iki ölkənin diaspor sahəsinə məsul qurumlarının da iştirakının təmin edilməsi və digər məsələlər müzakirə olunub. Xarici ölkələrdə yaşayan Azərbaycan vətəndaşlarının hüquqi vəziyyətini və onların hüquqi müdafiəsini yaxşılaşdıran müqavilə-hüquq bazasının, dövlət orqanlarında ictimai iştirakçılığın genişləndirilməsi, xaricdə yaşayan yetkinlik yaşına çatmayanların baxımsızlığı ilə mübarizə və reabilitasiya sahəsində, 1990-cı illərdən etibarən Türkiyə Respublikasına (İstanbul şəhərinə) mühacirət etmiş və hazırda orada qeyri-qanuni yaşayan Azərbaycan Respublikasının vətəndaşı olması ehtimal olunan şəxslərlə bağlı problemlərin həlli, Ermənistanın işğalı nəticəsində qaçqın və məcburi köçkün düşmüş şəxslərin, eyni zamanda Qərbi azərbaycanlıların hüquqlarlnın pozulması, onlara dəymiş maddi və mənəvi ziyanın, habelə tarixi və mədəni sərvətlərimizin dağıdılması faktarına baxılması və beynəlxalq təşkilatlarda qaldırılması istiqamətində əməkdaşlığın qurulması razılaşdırılıb.

Sonda birgə xatirə fotosu çəkilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/dovlet-komitesinde-turk-dunyasi-mediatorlar-birliyinin-numayende-heyeti-ile-gorus-kecirilib-4165

 

 

 

]]>