Türkiyədəki diasporumuz Tehrandakı səfirliyimizə silahlı basqını ölkəmizin ərazi bütövlüyünə qəsd kimi qiymətləndirib

📌 https://t.co/HnTqgS1qHn pic.twitter.com/aSUhKyN29k

— Azerbaijani Diaspora (@DiasporaAz) January 27, 2023

 

 

Türkiyədəki diasporumuz Tehrandakı səfirliyimizə silahlı basqını ölkəmizin ərazi bütövlüyünə qəsd kimi qiymətləndirib

, 2023
Türkiyədəki diasporumuz Tehrandakı səfirliyimizə silahlı basqını ölkəmizin ərazi bütövlüyünə qəsd kimi qiymətləndirib

Türkiyə-Azərbaycan Dostluq Dərnəkləri Federasiyası (TADDEF) Azərbaycanın İrandakı səfirliyinə qarşı terror hücumunu hiddətlə pisləyib.

TADDEF-in rəhbər Seyfəddin Ayakyayın adından yayılmış bəyanatda bildirilib ki, Azərbaycanın Tehrandakı səfirliyinə edilən namərd hücum Azərbaycan dövlətinin ərazi bütövlüyünə qəsd kimi qiymətləndirilməlidir. “Tarixi Azərbaycan torpaqlarında hökmranlıq edən, 40 milyonluq Azərbaycan türkünü məhrumiyyət içində saxlayan, lakin Ermənistana qarşı qardaşlıq siyasəti yürüdən rejim Kəbə bütləri kimi dağılmağa məhkumdur”.

Qeyd edilib ki, Azərbaycanın 44 günlük savaşdan qalib çıxmasını özəlliklə tarixi Azərbaycan torpaqlarında dövlət quranlar həzm edə bilmir və ölkəmizə qarşı hücumlar təşkil edirlər. “Azərbaycanın Fransadakı səfirliyinə hücumdan sonra Tehranda törədilən çirkin hücum İranda Güney Azərbaycanın dirçəlişinin boğulmasına hesablanmış addım kimi qiymətləndirilir. Azərbaycan və Türkiyənin xarici ölkələrdəki səfirliklərinə çirkin hücumu həyata keçirən “İLAN” axırda onu bəsləyənləri zəhərləyəcək. Günəşi palçıqla örtmək olmaz. Azərbaycan gücləndikcə Türk Dövlətləri Təşkilatı dəmir yumruğunu masaya vuraraq ortaq haqq və mənafelərini müdafiə edəcək”, – deyə Seyfəddin Ayakyay bildirilib.

dostların arasında bunu ilk tövsiyyə edən sən ol

DIGƏR XƏBƏRLƏR

 

kaynak:http://diaspor.gov.az/az/news-detail/turkiyedeki-diasporumuz-tehrandaki-sefirliyimize-silahli-basqini-olkemizin-erazi-butovluyune-qesd-kimi-qiymetlendirib-2264

 

 

 

Türkiyədəki diasporumuz Tehrandakı səfirliyimizə silahlı basqını ölkəmizin ərazi bütövlüyünə qəsd kimi qiymətləndirib

📌 https://t.co/HnTqgS1qHn pic.twitter.com/aSUhKyN29k

— Azerbaijani Diaspora (@DiasporaAz) January 27, 2023

 

📃 Dünya azərbaycanlılarının ölkəmizin İran İslam Respublikasındakı səfirliyinə qarşı törədilən terrorla bağlı Bəyanatı

📌https://t.co/A48x3kcTqE pic.twitter.com/sZOHDJDy46

— Azerbaijani Diaspora (@DiasporaAz) January 27, 2023

 

 

Dünya azərbaycanlılarının ölkəmizin İran İslam Respublikasındakı səfirliyinə qarşı törədilən terrorla bağlı Bəyanatı
27 yanvar, 2023

Dünya azərbaycanlılarının ölkəmizin İran İslam Respublikasındakı səfirliyinə qarşı törədilən terrorla bağlı Bəyanatı

Biz, xarici ölkələrdə yaşayan azərbaycanlılar yanvarın 27-si Bakı vaxtı ilə səhər saat 8:30 radələrində Azərbaycanın İrandakı səfirliyinə silahlı hücum nəticəsində bir azərbaycanlının qətlə yetirilməsi, ikisinin isə yaralanmasından dərin kədər hissi keçirdiyimizi bildiririk. Dünya azərbaycanlıları baş vermiş hadisəni İran xüsusi xidmət orqanlarının təşkil etdiyi terror aktı hesab edir, hər bir soydaşımız bu xain hücumu və qanlı cinayətləri törədənləri lənətləyir, diqqəti yayındırmaq üçün yayılan yalan məlumatlara inanmadığını bəyan edir. Baş vermiş qanlı olay məntiqə və insanlığa sığmır.

Cənubi Azərbaycanda yaşayan 40 milyon soydaşımızın hüquqlarının davamlı olaraq pozulması və İranda heç bir diplomatik nümayəndəliyin, eləcə də heç bir insanın toxunulmazlığına zəmanətin olmaması bizi hədsiz narahat edir.

Biz dünya ictimaiyyətinin diqqətini regiona yönəldir, insanlıq əleyhinə cinayətlərin törədilməsinə qarşı mübarizəyə çağırırıq.

Regionda sülh və sabitliyə əngəl törədən terror aktı barədə məlumatları BMT, Avropa İttifaqı, Avropa Şurası və onların qurumlarının, digər səlahiyyətli beynəlxalq və regional təşkilatların diqqətinə çatdıraraq, İran xüsusi xidmət orqanlarının belə ağır cinayət əməlləri törətməsinin qarşısını almaq üçün hüquqi-siyasi müstəvidə təcili tədbirlər görməyə çağırırıq.

Nəzərinizə çatdıraq ki, biz İran və Ermənistanın Azərbaycanın sərhədləri daxilində davamlı olaraq birgə qanunsuz əməllər törətdiyinin şahidiyik. Belə ki, son vaxtlar 27 İran vətəndaşı Laçın yolundan istifadə edərək qeyri-müəyyən məqsədlərlə Qarabağ ərazisində olan separatçıların yanına keçmiş, bu günə qədər Ermənistan və İran bu barədə heç bir açıqlama verməmişdir.

Biz törədilən terror aktı nəticəsində həlak olanların xatirəsini ehtiramla anır, davamlı olaraq Ermənistanın müxtəlif istiqamətli terror əməlləri ilə üz-üzə qalan Azərbaycana qarşı İran İslam Respublikasının da eyni mövqedən çıxış etməsini pisləyir, regionda sülh və insanlıq əleyhinə yönələn cinayətlərə görə cavabdeh şəxslərin ən qısa zamanda məsuliyyətə cəlb olunmasını tələb edir, beynəlxalq ictimaiyyətdən ədalətli mövqe gözləyirik.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/dunya-azerbaycanlilarinin-olkemizin-iran-islam-respublikasindaki-sefirliyine-qarsi-toredilen-terrorla-bagli-beyanati-2261

 

 

 

📃 Dünya azərbaycanlılarının ölkəmizin İran İslam Respublikasındakı səfirliyinə qarşı törədilən terrorla bağlı Bəyanatı

📌https://t.co/A48x3kcTqE pic.twitter.com/sZOHDJDy46

— Azerbaijani Diaspora (@DiasporaAz) January 27, 2023