önündə – Malatya Yıldız https://malatyayildiz.com Wed, 31 May 2023 19:56:24 +0000 tr hourly 1 https://malatyayildiz.com/wp-content/uploads/2025/03/cropped-malatya-yildiz-32x32.webp önündə – Malatya Yıldız https://malatyayildiz.com 32 32 Kanada parlamentinin önündə Azərbaycan bayrağı qaldırılıb https://malatyayildiz.com/kanada-parlamentinin-onund%c9%99-az%c9%99rbaycan-bayragi-qaldirilib-h45944.html Wed, 31 May 2023 19:56:24 +0000 https://1453kralmedya.com/kanada-parlamentinin-onund%c9%99-az%c9%99rbaycan-bayragi-qaldirilib-h45944.html

 

 

 

 

Kanada parlamentinin önündə Azərbaycan bayrağı qaldırılıb
, 2023
Kanada parlamentinin önündə Azərbaycan bayrağı qaldırılıb
Kanadanın paytaxtı Ottavada ölkə parlamentinin binası önündə 28 May – Müstəqillik Günü münasibətilə Azərbaycan bayrağının təntənəli şəkildə qaldırılması mərasimi keçirilib.

“Vətən” Azərbaycan İncəsənət və Mədəniyyət Mərkəzi, Toronto Azərbaycan Evinin təşkilatçılığı ilə baş tutan mərasimdə Kanada parlamentinin üzvləri, Azərbaycanın və Türkiyənin Kanadadakı səfirliklərinin əməkdaşları, Ottava, Toronto və Monreal şəhərlərində yaşayan Azərbaycan icmasının fəalları və diaspor təşkilatlarının rəhbərləri iştirak ediblər. Qonaqlar arasında Türkiyənin Kanadaya yeni təyin olunmuş səfiri Esra Demir də olub.

Tədbirdə Kanada parlamentinin millət vəkili Çandra Arya, Azərbaycanın Kanadadakı müvəqqəti işlər vəkili Vasif Abutalıbov, “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova, Kvebek Azərbaycanlıları Assosiasyasının sədri Məsud Əliyev və digərləri çıxış ediblər. Kanada azərbaycanlılarını 28 May – Müstəqillik Günü münasibətilə təbrik edən natiqlər bu möhtəşəm hadisənin tarixi, önəmi, Azərbaycan Xalq Cümhuriyyətinin siyasi varisi olan müasir Azərbaycan dövlətinin dinamik inkişafı barədə fikirlərini söyləyib, Azərbaycan icmasının Kanadanın ictimai-siyasi, iqtisadi-sosial, humanitar sahələrinə və mədəni müxtəlifliyinə verdiyi töhfələri nəzərə çatdırıblar.

Rəsmi hissənin sonunda Azərbaycanın Dövlət himninin sədaları altında üçrəngli bayrağımız Lalin Həsənova tərəfindən Kanada parlamenti önündə səmaya ucaldılıb.

 

 

 

Tədbirdə Azərbaycan rəqsləri nümayiş etdirilib və Ottavada fəaliyyət göstərən “Qarabağ” Azərbaycan dili məktəbinin şagirdlərinin ifasında vətənimizə həsr olunmuş şeirlər səsləndirilib.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kanada-parlamentinin-onunde-azerbaycan-bayragi-qaldirilib-3013

 

 

]]> Ontario parlamentinin önündə Azərbaycan Bayrağı qaldırılıb https://malatyayildiz.com/ontario-parlamentinin-onund%c9%99-az%c9%99rbaycan-bayragi-qaldirilib-h45741.html Fri, 26 May 2023 16:35:09 +0000 https://1453kralmedya.com/ontario-parlamentinin-onund%c9%99-az%c9%99rbaycan-bayragi-qaldirilib-h45741.html

 

 

 

Ontario parlamentinin önündə Azərbaycan Bayrağı qaldırılıb
, 2023
Ontario parlamentinin önündə Azərbaycan Bayrağı qaldırılıb

Kanadanın Toronto şəhərindəki Ontario əyalət parlamentinin binası qarşısında 28 May – Müstəqillik Günü münasibətilə Azərbaycanın Dövlət Bayrağının qaldırılması mərasimi keçirilib.

“Vətən” Azərbaycan İncəsənət və Mədəniyyət Mərkəzinin təşkilatçılığı ilə baş tutan mərasimdə Ontario parlamentinin üzvləri, Azərbaycan icmasının və ölkəmizə dost münasibəti bəsləyən digər xalqların nümayəndələri iştirak ediblər.

Təntənəli mərasimi açıq elan edən Kanadanın keçmiş Vətəndaşlıq və multikulturalizm naziri, ictimai xadim Toni Ruprext Azərbaycan Respublikasının dövlət müstəqilliyinin 105-ci ildönümünün qeyd olunması məqsədilə keçirilən tədbirdə iştirak edənlərə minnətdarlığını bildirib.

Ontario Qanunvericilik Assambleyası Nümayəndələr Palatasının Komitə sədrinin ikinci müavini Patris Barns tədbir iştirakçılarını salamlayıb, soydaşlarımızla birlikdə 105 il öncə Azərbaycanın Rusiya imperiyasından ayrılaraq demokratik və dünyəvi respublika elan etməsi kimi tarixi hadisənin qeyd olunması mərasimində məmnuniyyətlə iştirak etdiyini söyləyib. Ontario Qanunvericilik Assambleyası adından spiker Ted Arnot tərəfindən imzalanmış 28 May – Müstəqillik Günü ilə bağlı rəsmi təbrik məktubunu “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənovaya təqdim edib.

Türkiyənin Torontodakı Baş konsulu Sinem Minqan çıxışında ölkələrimizin bənzərsiz dostluq, qardaşlıq münasibətinə malik olduğunu qeyd edib. “Bir millət, iki dövlət” şüarını səsləndirən diplomat ölkələrimizin hər zaman bir-birininin yanında olduğunu vurğulayıb.

Baş konsul Sinem Minqan, Ontario əyalət parlamentinin üzvü, turizm, mədəniyyət və idman nazirinin Kanada parlamentində köməkçisi Şeref Sabavi və Azərbaycan dilində “Bu gün biz Azərbaycanın Müstəqillik Gününü qeyd etmək üçün burdayıq” cümləsi ilə çıxışına başlayan Ontario əyalət parlamentinin üzvü Kris Qlover tarixi hadisə münasibətilə icmamızı təbrik ediblər.

 

 

 

 

 

Ontario əyalətinin Baş naziri Doug Ford, Ontario rəsmi müxalifətinin lideri Marit Stiles, Yaşıllar partiyasının nümayəndəsi Mayk Şrayner tərəfindən imzalanmış təbrik məktubları və Liberal partiyasının təbriki Azərbaycan icmasına təqdim olunub.

Tədbirdə çıxış edən “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova Azərbaycan icmasının sevincini bölüşən qonaqlara minnətdarlığını bildirib. Kanadada yaşayan azərbaycanlılar olaraq ölkələrimiz arasında ikitərəfli münasibətlərin daha da inkişaf etməsi üçün birgə çalışacaqlarını vurğulayıb.

Daha sonra tanınmış vokalçı, Prezident təqaüdçüsü Həsən Enaminin canlı ifasında Azərbaycanın və Kanadanın Dövlət himnləri səsləndirilib. Himnimizin sədaları altında Lalin Həsənova tərəfindən Azərbaycan Dövlət Bayrağı səmaya ucaldılıb.

Mərasimin rəsmi hissəsi Azərbaycanın milli rəqsinin ifası ilə başa çatıb.

Ontario əyalət parlamentinin binasında Azərbaycan xalqının önəmli günü münasibətilə ziyafət verilib.

Play

00:48
02:54
Mute

Settings
Enter fullscreen

Play
FOTO QALEREYA

 

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/ontario-parlamentinin-onunde-azerbaycan-bayragi-qaldirilib-2996

 

 

]]> Diasporumuz Beynəlxalq Ədalət Məhkəməsinin önündə dinc aksiyası keçirib https://malatyayildiz.com/diasporumuz-beyn%c9%99lxalq-%c9%99dal%c9%99t-m%c9%99hk%c9%99m%c9%99sinin-onund%c9%99-dinc-aksiyasi-kecirib-h40593.html Tue, 07 Feb 2023 16:56:07 +0000 https://1453kralmedya.com/diasporumuz-beyn%c9%99lxalq-%c9%99dal%c9%99t-m%c9%99hk%c9%99m%c9%99sinin-onund%c9%99-dinc-aksiyasi-kecirib-h40593.html

 

 

 

 

Diasporumuz Beynəlxalq Ədalət Məhkəməsinin önündə dinc aksiyası keçirib

, 2023
Diasporumuz Beynəlxalq Ədalət Məhkəməsinin önündə dinc aksiyası keçirib
Niderlandın Haaqa şəhərində yerləşən Beynəlxalq Ədalət Məhkəməsində Azərbaycanın Ermənistana qarşı hüquqi təqib təşəbbüsləri üzrə ictimai dinləmələr keçirilib.

Coan Donoqyunun hakimliyi ilə iki gün davam edən dinləmələr zamanı Niderland Krallığındakı Azərbaycan diaspor təşkilatlarının təmsilçiləri ölkəmizin haqlı mövqeyini dəstəkləmək üçün Haaqa Ədalət Sarayının qarşısına toplaşıblar.

Diaspor fəalları “Harada yaşamağımızdan asılı olmayaraq, biz həmişə Azərbaycan dövlətinin yanındayıq!”, Biz çoxsaylı hərbi cinayətlərə görə məsuliyyət daşıyan Ermənistan silahlı qüvvələrinin qanun qarşısında məsuliyyətə cəlb olunmasını tələb edirik!”, “Erməni separatçılarının qeyri-qanuni fəaliyyətini dayandırın!”, “Azərbaycan ərazilərində törədilən ekoloji terroru dayandırın!”, “Ermənistanın ekoterroruna son qoyulsun!”, “Azərbaycanlı ekoloqlara yol verin!”, “Ermənistan, hücumları dayandır!”, “Ermənistan tərəfindən Azərbaycanın təbii sərvətlərinin talanmasına son qoyulsun!”, “Azərbaycanın təbii sərvətləri Azərbaycana məxsusdur!” şüarlarının əks olunduğu plakatları nümayiş etdiriblər.

Diqqəti erməni təcavüzünə yönəldən diaspor fəalları hakimləri ədalətli olmağa dəvət edib, eyni zamanda Laçın-Xankəndi yolunda Azərbaycanın təbii sərvətlərinin erməni separatçıları və Ermənistan tərəfindən qeyri-qanuni istismar olunmasına etiraz məqsədilə fasiləsiz dinc aksiya keçirən azərbaycanlı ekofəallarla həmrəy olduqlarını göstəriblər.

Dinlmələrdən sonra məhkəmədə Azərbaycanı təmsil edən nümayəndə heyətinin rəhbəri diaspor fəallarımızla görüşüb və onlara təşəkkürünü bildirib.

 

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/diasporumuz-beynelxalq-edalet-mehkemesinin-onunde-dinc-aksiyasi-kecirib-2323

 

 

]]> İcmamız Hyuston şəhər meriyası önündə ekoterrora etiraz edib https://malatyayildiz.com/icmamiz-hyuston-s%c9%99h%c9%99r-meriyasi-onund%c9%99-ekoterrora-etiraz-edib-h40283.html Mon, 30 Jan 2023 17:39:57 +0000 https://1453kralmedya.com/icmamiz-hyuston-s%c9%99h%c9%99r-meriyasi-onund%c9%99-ekoterrora-etiraz-edib-h40283.html

 

 

 

İcmamız Hyuston şəhər meriyası önündə ekoterrora etiraz edib

30 yanvar, 2023
İcmamız Hyuston şəhər meriyası önündə ekoterrora etiraz edib

İcmamız ABŞ-ın Hyuston şəhərində Rusiya sülhməramlılarının müvəqqəti nəzarətində olan Azərbaycan ərazisində faydalı qazıntı yataqlarının qeyri-qanuni istismarına və Ermənistanın ekoloji terror siyasətinə etiraz əlaməti olaraq dinc aksiya keçirib.

Amerika-Azərbaycan İnteqrasiya Mərkəzinin təşkilatçılığı ilə Hyuston şəhər meriyası önündə baş tutan aksiyada Azərbaycan icmasının Texas ştatında yaşayan fəalları iştirak ediblər. Aksiya Laçın-Xankəndi yolunda fasiləsiz aksiya keçirən azərbaycanlı ekofəallara və vətəndaş cəmiyyəti nümayəndələrinə dəstək məqsədilə təşkil olunub.

Aksiya zamanı “Qarabağ Azərbaycandır!”, “Erməni terrorizmi”, “Ermənistan terrorçularını dayandırın!”, “Azərbaycanın təbii sərvətlərinin talanmasına son!”, “Erməni ekosidinə son!”, “Azərbaycan ərazilərində ekoloji terroru dayandırın!” tələblərinin əks olunduğu plakatlar nümayiş etdirilib.

Xaricdə yaşayan soydaşlarımızın Azərbaycanın yeraltı və yerüstü sərvətlərinin Ermənistan və erməni separatçıları tərəfindən talanmasına göz yummayacağına, Qarabağ iqtisadi rayonunda törədilən ekoloji terrorun artıq qlobal problemə çevrildiyinə diqqət cəlb edilib.

Aksiya ilə maraqlanan yerli sakinlərə Ermənistanın Azərbaycana qarşı törətdiyi ekoloji cinayətlər barədə ətraflı məlumat verilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/icmamiz-hyuston-seher-meriyasi-onunde-ekoterrora-etiraz-edib-2294

 

 

]]>